ജൈത്രയാത്ര തുടര്‍ന്ന് ഹമീദ്; മികച്ച പ്രതികരണങ്ങള്‍ നേടി ‘എന്റെ ഉമ്മാന്റെ പേര്’
അമ്മയും മകനും തമ്മിലുള്ള ആത്മബന്ധത്തിന്റെ കഥ പറയുന്ന ടൊവീനോ ചിത്രം എന്റെ ഉമ്മാന്റെ പേര് മികച്ച പ്രതികരണങ്ങള്‍ ഏറ്റുവാങ്ങി നാലാം വാരത്തിലേക്ക്. ഇന്ത്യയ്ക്ക് പുറത്തും ചിത്രത്തിന് മികച്ച പ്രതികരണമാണ് ലഭിക്കുന്നത്. ഗള്‍ഫ് നാടുകളില്‍ ഈ മാസം മൂന്നു മുതല്‍ ചിത്രം പ്രദര്‍ശനത്തിനെത്തിയിരുന്നു. ഈ മാസം 10 മുതല്‍ ഏഷ്യാ, പസഫിക്, ആഫ്രിക്കന്‍ രാജ്യങ്ങളിലും ചിത്രം പ്രദര്‍ശനത്തിനെത്തും.
നവാഗതനായ ജോസ് സെബാസ്റ്റ്യന്‍ സംവിധാനം ചെയ്ത ഈ ചിത്രം രചിച്ചത് സംവിധായകനും ശരത് ആര്‍ നാഥും ചേര്‍ന്നാണ്. ആന്റോ ജോസഫ് ഫിലിം കമ്പനി, അല്‍ ടാരി ഫിലിംസ് എന്നിവയുടെ ബാനറില്‍ ആന്റോ ജോസഫും സി ആര്‍ സലീമും ചേര്‍ന്നാണ് ഈ ചിത്രം നിര്‍മ്മിച്ചിരിക്കുന്നത്.
പുതുമുഖം സായിപ്രിയയാണു നായിക. ഹരീഷ് കണാരന്‍, മാമുക്കോയ, സിദ്ദിഖ്, ശാന്തികൃഷ്ണ, ദിലീഷ് പോത്തന്‍ എന്നിങ്ങനെ വലിയ താരനിര തന്നെ ചിത്രത്തില്‍ അണി നിരക്കുന്നുണ്ട്. ജോസ് സെബാസ്റ്റ്യനും ശരത്ത് ആര്‍ നാഥും ചേര്‍ന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. ആന്റോ ജോസഫ്, സി.ആര്‍. സലിം എന്നിവര്‍ ചേര്‍ന്നാണ് ചിത്രത്തിന്റെ നിര്‍മ്മാണം. സിനിമയ്ക്ക് സംഗീതം പകരുന്നത് ഗോപിസുന്ദറാണ്.
Post a Comment