ഒ.പി മുറിയുടെ കര്ട്ടന് വകഞ്ഞു മാറ്റി ‘ദേ നില്‍ക്കുന്ന നമ്മുടെ കട്ടപ്പ…’; സോഷ്യല്‍ മീഡിയയില്‍ വൈറലായി ഡോക്ടറുടെ കുറിപ്പ്
വെള്ളിത്തിരയില്‍ മായാജാലം തീര്‍ത്ത ബാഹുബലിയിലെ കട്ടപ്പയെ അവതരിപ്പിച്ച സത്യരാജ് സിനിമാ പ്രേമികള്‍ക്ക് സുപരിചിതനാണ്. പെട്ടെന്ന് ഒരു ദിനം ഒ.പി മുറിയുടെ കര്ട്ടന് മുന്നില്‍ നില്‍ക്കുന്ന വ്യക്തിയെ കണ്ടപ്പോള്‍ ഡോ. ഷിനു ശ്യാമജനും വിചാരിച്ചു ഇത് സത്യാരാജായിരിക്കുമെന്ന്. പക്ഷേ കക്ഷി സത്യരാജിന്റെ അപരനായിരുന്നു.
തനിക്ക് പറ്റിയ അമിളി ഡോക്ടര്‍ ഫെയ്‌സ്ബുക്കിലൂടെ പങ്കുവച്ചിരിക്കുകയാണ്. നിമിഷം നേരം കൊണ്ട് സംഭവം വൈറലായി. സത്യരാജിന്റെ അപരന്റെ കൂടെ ചിത്രവുമെടുത്താണ് ഡോക്ടര്‍ തന്റെ അനുഭവം പങ്കുവച്ചിരിക്കുന്നത്.
ഫെയ്‌സ്ബുക്ക് പോസ്റ്റിന്റെ പൂര്‍ണ്ണരൂപം
ഒ.പി മുറിയുടെ കര്ട്ടന് വകഞ്ഞു മാറ്റി ‘ദേ നില്‍ക്കുന്ന നമ്മുടെ കട്ടപ്പ..’ എന്റെ രണ്ട് കണ്ണും തള്ളി. സത്യരാജ് എന്തിനാണ് ആശുപത്രിയില്‍ വന്നതെന്ന്. പിന്നെയാണ് മനസിലായത്.. സത്യരാജ് അല്ല. എന്റെ പുതിയ പെഷ്യന്റ് ആണെന്ന്. എന്തായാലും ഡ്യൂപ്പ് കട്ടപ്പ കുറെ സന്തോഷിച്ചു. ‘ ഞാന്‍ മദ്രാസില്‍ ചെന്നാലും ആളുകള്‍ ഓടികൂടുമെന്നും, ചിത്രമെടുക്കുമെന്നുമൊക്കെ’ പറഞ്ഞു. കട്ടപ്പയെ പോലെ തന്നെയുണ്ട്. എന്തായാലും. ഡോക്ടറും ഹാപ്പി, രോഗിയും ഹാപ്പി ????.
Post a Comment