കാളിയുടെ ആട്ടത്തിന് അരങ്ങുണരുന്നു; രജനിയുടെ പേട്ടയുടെ ബുക്കിംഗ് തുടങ്ങി
രജനിക്ക് വില്ലനായി മക്കള്‍ സെല്‍വന്‍ വിജയ് സേതുപതിയെത്തുന്ന കാര്‍ത്തിക് സുബ്ബരാജ് ചിത്രം പേട്ടയെത്താന്‍ ഇനി വെറും നാലു നാള്‍ കൂടി. ചിത്രത്തിന്റെ ടിക്കറ്റ് ബുക്കിംഗ് ആരംഭിച്ചു. പൊങ്കല്‍ റിലീസായി ഈ മാസം 10 നാണ് ചിത്രം തിയേറ്ററുകളിലെത്തുക. അന്നേ ദിവസം രാവിലെ 6.15 ന് ഫാന്‍സ് ഷോയും ഉണ്ടായിരിക്കും. രസകരമായ എന്നാല്‍ ആകാംഷയുണര്‍ത്തുന്നതുമായ ഒരു ആക്ഷന്‍ ചിത്രമായിരിക്കും പേട്ടയെന്ന സൂചനയാണ് ട്രെയിലര്‍ നല്‍കുന്നത്.
തലൈവരുടെ ത്രസിപ്പിക്കുന്ന ലുക്ക് തന്നെയാണ് ചിത്രത്തിന്റെ ഹൈലൈറ്റ്. രജനിക്ക് വില്ലനായി മക്കള്‍ സെല്‍വന്‍ വിജയ് സേതുപതി കൂടി എത്തുന്നതും ആരാധകരെ ഏറെ ആവേശത്തിലാക്കിയിരിക്കുകയാണ്. നവാസുദ്ദീന്‍ സിദ്ദിഖി, ബോബി സിംഹ, സിമ്രാന്‍, തൃഷ, മേഘ ആകാശ്, ഗുരു സോമസുന്ദരം, മുനിഷ്‌കന്ത് രാംദോസ്, സനന്ദ് റെഡ്ഡി, ദീപക് പരമേശ് എന്നിവരും പ്രധാന വേഷങ്ങളിലെത്തുന്നുണ്ട്. മലയാളത്തിന്റെ പ്രിയനടന്‍ മണികണ്ഠന്‍ ആചാരിയും ചിത്രത്തില്‍ വേഷമിടുന്നുണ്ട്.
കാര്‍ത്തിക് ആദ്യമായി രജനിക്കൊപ്പം ഒന്നിക്കുന്ന ചിത്രമാണ് പേട്ട. പീറ്റര്‍ ഹെയ്‌നാണ് ചിത്രത്തിനായി സംഘട്ടനം ഒരുക്കുന്നത്. ഇതിനോടകം ചിത്രത്തിലെ ഗാനങ്ങള്‍ എല്ലാം സോഷ്യല്‍ മീഡിയ വഴി വൈറല്‍ ആയി കഴിഞ്ഞു. ചിത്രത്തിന് സംഗീതം ഒരുക്കിയിരിക്കുന്നത് അനിരുദ്ധ് രവിചന്ദര്‍ ആണ്. പേട്ട കേരളത്തില്‍ വിതരണത്തിനെത്തിക്കുന്നത് പൃഥ്വിരാജ് പ്രൊഡന്‍ഷന്‍സാണ്.
Post a Comment