ഇരട്ട വേഷത്തില്‍ ലേഡി സൂപ്പര്‍സ്റ്റാര്‍; ഹൊറര്‍ ചിത്രം ‘ഐറ’യുടെ ടീസര്‍ എത്തി
ലേഡി സൂപ്പര്‍സ്റ്റാര്‍ നയന്‍താര ആദ്യമായി ഇരട്ടവേഷത്തിലെത്തുന്ന ‘ഐറ’യുടെ ടീസര്‍ പുറത്തിറങ്ങി. ലക്ഷ്മി, മാ തുടങ്ങിയ ഷോര്‍ട്ട് ഫിലിമുകളിലൂടെ ശ്രദ്ധേയനായ സര്‍ജുന്‍ കെ.എം ആണ് ചിത്രം സംവിധാനം ചെയ്യുന്നത്. ഹൊറര്‍ ചിത്രമായ ഐറയുടെ ടീസര്‍ ഇതിനോടകം വൈറലായിട്ടുണ്ട്.
നയന്‍താരയുടെ പ്രകടനം തന്നെയാണ് ടീസറിന്റെ ഹൈലൈറ്റ്. മറ്റു ചിത്രങ്ങളെ പോലെ തന്നെ ശക്തമായ കഥാപാത്രത്തെയാണ് നയന്‍താര ചിത്രത്തില്‍ അവതരിപ്പിക്കുന്നത്. മായ എന്ന ചിത്രത്തിന് ശേഷം നയന്‍താര വേഷമിടുന്ന ഹൊറര്‍ ചിത്രമാണിത്. നയന്‍താരയുടെ സൂപ്പര്‍ഹിറ്റ് ചിത്രമായ ‘അറം’ നിര്‍മ്മിച്ച കെ ജെ ആര്‍ സ്റ്റുഡിയോസാണ് ഐറയും നിര്‍മ്മിക്കുന്നത്.
വിശ്വാസമാണ് നയന്‍താരയുടെ പുറത്തിറങ്ങാനിരിക്കുന്ന പുതിയ ചിത്രം. ചിത്രത്തില്‍ അജിത്താണ് നായകന്‍. വീരം, വേഗം, വേതാളം എന്നീ സിനിമകള്‍ക്ക് ശേഷം സംവിധായകന്‍ ശിവ അജിത്തുമായി ചേര്‍ന്ന് ഒരുക്കുന്ന നാലാമത്തെ ചിത്രമാണ് വിശ്വാസം. മൂന്ന് ചിത്രങ്ങളെയും പോലെ തന്നെ നാലാം ചിത്രവും ബോക്സോഫീസില്‍ തരംഗമാകുമെന്നാണ് അണിയറപ്രവര്‍ത്തകരുടെ പ്രതീക്ഷ.
Post a Comment